事業上軌道!林奕匡努力搵錢買大屋

2018年05月18日 06:15
東網電視
更多新聞短片
佢話想建立一個真正嘅家喎~

拿起湯勺有板有眼的歌手林奕匡(Phil),憶述在加拿大讀書的時候有七、八年的時光在家中開的小餐館幫忙,小餐廳送外賣、收錢、聽電話、洗碗等都要一腳踢,年紀輕輕的他試過被鬧到喊:「試過有無理嘅客,當時因為自己做到手忙腳亂,佢見到碟嘢出咗來,但我未得閒送過去,佢哋就會好忟憎,真係七情上面咁用人身攻擊嘅說話去鬧。」

珍惜與家人相處時間

雖然他承認那段日子學到好多,不過最重要的反而是珍惜與家人相處的時間:「嗰陣時屋企人一日到黑都喺餐廳,如果得我自己留喺屋企或者成日約朋友玩,就冇得同佢哋相處。好多時候一家人做完嘢,夜晚一齊食飯係好開心。就算幾忙,起碼係一家人齊心去做一件事,嗰啲回憶係人生入面最滿意最開心嘅時候。」

進修廚藝氹老婆

不過自認廚藝麻麻的Phil,成家之後並不是常常落廚冧老婆:「以前拍拖喺太太屋企樓下等佢嘅時候都會食個車仔麵打底,再帶太太去行街同食嘢。結婚之後都想進修下廚藝,但係未有時間,因為我成日煮啲簡單西餐,太太話冇變化,煮來煮去都係嗰啲,食到悶,惟有多啲請佢出街食。」

上樓築安樂窩

入行八年的Phil,事業開始漸上軌道,開過個人音樂會和推出過七張大碟的他今年再接再勵,除了即將在六月初伙同ToNick、糖妹、葉巧琳和小塵埃在九展開騷會歌迷,亦籌備在今年內再出個人大碟。努力工作的他坦言,想儲錢買樓給太太,建立一個真正屬於他們的家:「好慶幸近年工作有啲成績,的確有打算儲錢買樓,都想有自己嘅地方,租樓雖然靈活,但係冇得裝修,唔會落咁多心機,(想買幾大嘅樓?)目標係無限嘅,愈大愈好啦,要Dream Big呀嘛。不過依家未必係時候,樓價太高喇!」

場地:上環搵啖食車仔麵專門店