自嘲身材唔突出 林小美未有興趣出寫真

2018年05月18日 07:31
東網電視
更多新聞短片
咁都叫冇身材?

模特兒林小美(Cherry)最近為新書遠赴日本取景,仲先後換上多個造型,相當吸睛!佢表示:「今次我換咗15個造型,包括日式和服、校服同便服等,仲去咗超過廿個景點拍攝,希望令新書內容豐富啲。」而Cherry亦喺新書中分享影相小秘訣:「因為我做開模特兒工作,對上鏡方面都有啲研究,所以我都會教大家影相時點樣擺甫士,幫大家去旅行時影靚相。」

講到唔少女星都推出個人寫真集,Cherry則笑言自己身材唔算突出,加上想新書以旅遊資訊為主,所以暫時未有興趣。佢話:「我本身對日本有認識,除咗識日文之外,仲去過當地廿幾次,所以新書以介紹日本為主,帶大家去一啲較少遊客去嘅地方,玩嘅時候唔洗人逼人。」