約侯佩岑食飯！徐若瑄自爆醉「湯」昏睡

台灣藝人侯佩岑與徐若瑄除了係好友外，大家都已為人母，更不時分享湊仔經。日前二人相約與友人結伴外出，侯佩岑更將相片上載到社交網，當中見到侯佩岑與徐若宣與另外兩位女友人一同食飯，枱面上放咗多個蛋糕，各人之後齊齊拎住蛋糕影合照。不過網友卻將重點放喺兩位星媽身上，更指二人皮膚白皙，身形Fit爆，真係完全看不出生過小朋友！而侯佩岑亦表示期待徐若瑄嘅新電影，又讚大家係靚靚媽咪，睇嚟佢哋嘅餐飯話題都離唔開育兒心得！

之後，徐若瑄亦喺社交網甫出合照，仲自爆：「來去喝湯補一補！平時喝燒酒雞都沒事的鋼鐵V，竟然敗在運頓（鈍）根湯，只有我喝醉了！！有事嗎我？回家後昏睡了一小時～很補！拍戲有累到⋯謝謝姊妹們！?　#4個媽咪 #紅衣小女孩外傳人面魚」