佗B五個月!Rosemary唔敢再玩倒吊瑜伽

20180518
東網電視
更多新聞短片
Rosemary宣布佗B後首現身。
名模Rosemary懷孕後首次出席公開活動,並透露已懷孕五個月,感覺好好,完全冇特別反應,亦都冇嘔過。問到腹中BB是仔定女?她說:「我感覺到係仔定女,但係唔講,我同老公無論係仔定女都鍾意,冇所謂。」
佗B後食番肉
問到懷孕後,老公會否對Rosemary特別照顧?她開心地說:「有呀,佢對我好好,前幾日仲親自下廚煮嘢畀我食。(老公煮啲乜嘢?)佢煮牛扒,但我之前食素,不過今次我都有食,因為BB需要食肉。」食咗兩年素的Rosemary,被問到BB鍾意食肉是否佗仔?她即笑不停,不過保秘神秘冇回答。至於問到有冇轉變口味?她說:「有呀,依家唔鍾意食菜,好鍾意食意粉、薄餅。」
玩倒吊瑜伽時唔知有咗
Rosemary又透露今次為懷孕已預備了一段好長嘅時間,戒酒好耐,更不停做運動調理身體。問到之前懷孕期間,倒吊做瑜伽是否適當?她說:「其實當時唔知自己有咗,之後醫生都叫我唔好再做呢類動作,依家會做番啲輕鬆啲嘅動作,唔會做啲高難度嘅。」問到是否會順產?她說:「當然會順產,會喺香港生,依家都好期待。(重咗幾多磅?)我唔敢磅。(上圍有冇升cup?)應該升咗一cup,依家都好緊張,因為始終第一胎,都不停去問啲朋友嘅意見,朋友已叫我哋要快啲去買啲BB用品,我同老公去到舖頭,大家都不知所措,唔知買啲咩好,感覺好得意。」
九月預產期
Rosemary表示預產期是係九月,巧合地與她出生日期相同,她說:「我希望同我同月同日生,咁到時老公一定記得我同佢嘅生日。」