再見亦是朋友 張振朗同陳芷尤仲有聯絡

2018年05月18日 14:47
東網電視
更多新聞短片
張振朗指依家以事業為重。

無綫新劇《牛下女高音》(暫名)演員張振朗、黃心穎、鍾景輝、吳岱融、蔣志光、鄭敬基馨等在將軍澳電視城為劇集試造型。張振朗在劇中與黃心穎飾演「哎吔夫妻」,他笑言有「亂倫」感覺:「因為上套劇我哋係做兄妹,今次做佢『哎吔老公』,感覺有啲亂倫,心態要調節,劇中有啲要扮親熱嘅戲份,都驚拍嗰陣忍唔到笑。」

張振朗早前在網上宣布與陳芷尤分手,他說:「依家事業為重,未來半年都好忙,拍劇、拍《美女廚房》。唔諗咁多,大家間中都有聯絡,開心大家關係雖然唔同咗,但係都希望對方好。(心情平伏未?)平伏咗好多,好彩之前去咗橫掂拍劇,散一散心。(準備好接受新戀情?)隨緣啦。(點解分開?)因了解而分開,大家仲後生都係畀心機做嘢先。(分手可惜?)當然有,但係日後嘅嘢好難講,做朋友可能更加舒服。(有冇機會復合?)隨緣。」