鍾景輝細個扮羊仔　蘇玉華勁讚靚仔又得意

藝人蘇玉華、鍾景輝（King Sir）、Uncle Ray等今日出席以廣播人做主題的電視節目首播記者會，由伍家謙擔任主持人。新節目介紹各資深廣播人的故事，蘇玉華為其中講述King Sir的一集做旁白。

接受訪問時，蘇玉華表示King Sir是自己演藝學院時的恩師，笑言：「可以錄呢集節目，我比任何嘅觀眾都幸福，因為我先睹為快，睇返King Sir由細個到演戲再到做老師嘅成個歷程，仲有好多老師日常生活嘅嘢，都係以前上堂睇唔到。」她又笑言：「我發覺King Sir細個嘅時候真係好靚仔好得意㗎！仲見到佢演羊咩咩啲相，好似係聖誕聯歡嘅話劇，就會見到一個三歲嘅King Sir，所以我覺得內容好精彩。」

問King Sir是否攞盡自己的珍藏出來？他笑言：「係囉，畀佢哋摷晒出嚟啦！我覺得係三歲定八十嘅，嗰陣演羊咩仔就算冇對白都會諗吓應該點樣叫，點樣先可以做到最好。」蘇玉華又感性道雖然King Sir為人十分嚴謹，但是從他身上學到很開心人生智慧：「King Sir講過嘅嘢係畢生受用，佢講過人生嘅意義在於一生可以幫到幾多人，為別人建立到幾多嘢，而佢亦都身體力行，幫到人係一定幫，所以我哋成日話多謝King Sir，真係唔係客氣說話。」