宋熙年宣布BB性別 陳智燊驚都要入產房

2018年05月18日 17:35
東網電視
更多新聞短片
宋熙年今日宣布BB性別,係仔定女呢?

藝人陳智燊(Jason)及太太宋熙年(Sarah)上月初宣布將成為父母,二人今日到九龍塘出席新車發布會,大會更送上BB車及嬰兒玩具給他們。二人更宣布一索得男,Jason笑言:「我拍劇同小朋友玩,我覺得仔會易湊啲,但生女會好冧,所以其實唔緊要,只要BB開心健康就得。」他指Sarah佗B佗得舒服,沒有作嘔作悶已很感恩:「之前好緊張,頭三個月唔知點去幫佢,上網睇完資料有啲嘢好避忌,成日叫佢唔好做呢樣做嗰樣。」

酬勞有增加?

問到屆時會否入產房剪臍帶,Jason說:「未諗,但入產房應該一定會。就算驚,咁重要嘅時刻我哋一定要一齊去度過同體驗。」講到「一家三口」出席活動酬勞會否增加時,Jason笑說:「可以咁㗎?早知再傾傾啦!」Sarah亦謂二人現在與腹中的BB一齊工作,可以留下不少回憶:「等BB出世畀佢睇番,我覺得呢件事會好開心。」

月尾去澳洲探親

他們又表示將返澳洲探親,Jason說:「Sarah父母冇時間返嚟香港,但佢想生之前過去見父母,我哋可能月尾去一轉澳洲唔會飛太耐,始終要返嚟做嘢。」而Sarah表示稍後要湊BB,未必有時間。