仲係咁弗！林芊妤佗B堅持做瑜伽
20180518
東網電視
更多新聞短片
Coffee晒出一張喺馬路中間做瑜伽嘅相。
藝人林芊妤（Coffee）早前宣布意外懷孕，並已經同圈外男友Weng入紙結婚。作為準媽媽嘅Coffee至今懷孕約四個月，不過熱愛運動嘅佢，仍然繼續以瑜伽導師身份開班教學，自己亦keep住做運動，保持健康體魄。
適量運動係應該
Coffee喺社交網上載一張喺馬路中間做瑜伽嘅相，透露唔少孕婦趁呢個時候，同佢交流做運動嘅心得。Coffee認為做適量嘅運動同瑜伽係應該，不過大前題都要諮詢醫生：「最近多了很多懷孕媽媽私訊我，問是否懷孕後就應停止所有運動，我認為主要是問清楚你的醫生，因為每個人身體狀況也不一樣，假設你是正常健康的懷孕媽媽，而平日也有一定的運動習慣，醫生說將運動量減半就好啦，避免訓練腹部和太氣促的激烈運動。」
保持心情愉快
除咗適量運動之外，Coffee認為保持心境開朗亦對孕婦好重要：「情緒的好壞在這時也很重要，如果本來很好動又運動量大，生活突然改變到完全不一樣，那應該會得產前抑鬱吧？哈哈，其實各方面不要有太大壓力便可，最重要還是保持心情輕鬆愉快。孕婦其實也跟正常人沒甚麼分別，只是肚中多一個小生命而已。我感覺現在才是生命的重新開始呢！因為寶寶給了我更大推動力和力量，我也希望寶寶跟我一樣強壯快樂。」
----------------------------
東網巨星開咗ig喇，大家快啲follow啦！