兄弟重逢!黃秋生「轉性」嚇親家人

2018年05月18日 23:00
東網電視
更多新聞短片
黃秋生指自己同兩個哥哥短聚之後,性格徹底改變。

影帝黃秋生花了10年時間構思及籌備的原創舞台劇《夕陽戰士》,將於今個暑假公演,劇中演靈魂人物老師一角的秋生,今次身兼藝術總監、編劇及演出幾職,精挑細選鄧智堅、邱頌偉及張銘耀等舞台劇演員參與,眾人也表示與前輩合作添壓力,擔心會拖垮秋生,變相成為最後一次作品,不過秋生聞言就大派定心丸,表示重點過程享受,而非成功與否,產生雜念只會增添痛苦經歷。

愈隨和愈嚇人

談到故事內容提及保家衛國,秋生自言身處的年代,男人見有困難時行到最前線絕對正常,而早前成功越洋尋找到兩位同父異母的外籍哥哥後,兩位哥哥也專程來港與素未謀面的秋生弟弟見面,三人度過幾日快樂時光,沒料透過短短的相聚,令秋生性格徹底改變,他謂:「一個家嘅根,呢次兩個阿哥畀我感覺成日都係family come first咁。(睇法改變?)好抽象,會將我一直以來孤獨脾性擺低咗,依家照鏡都覺得自己唔同咗,平和咗好多,以前好易忟憎,依家就忟之前會諗一諗。」秋生笑指此舉嚇親老婆及兩個仔,就連朋友也對他改變大感費解:「愈隨和愈驚,有時搭吓人膊頭,人哋又驚我基,搞到唔知點同人講嘢好,但我真係做唔番以前;喺老婆面前就係Yes Man,佢問我點解咩都話係同認同,兩個仔就點我,依家會同我講道理,佢哋似老竇多,有時都嬲㗎!但發完脾氣後,佢哋會打番嚟叫我唔好咁細路。」

計劃籌拍外國劇

至於滿腦子計劃的秋生,表示完成舞台劇後,有意籌備音樂劇及接拍外國劇,他謂:「去英國同美國,英文演戲有挑戰性,更加代表到自己,日日學到嘢,英語上亦有所進步,之前英國拍完一套劇,工作模式舒服,環境都舒服,香港冇嘢做,冇人夠膽搵我,無謂令人恐懼啦!」

攝影:劉斌
場地:高興happinesssss
化妝:Jolinn Ng、Betty Wen
髮型:Ray Mork & Taky Chung @ Fifth Salon
服妝:bauhaus