6月3號淺水灣擺酒 李美慧豪影百萬婚紗相

2018年05月18日 23:30
東網電視
更多新聞短片
李美慧同曾文豪將於6月3號喺淺水灣擺酒。

現年31歲的2006年落選港姐李美慧與富商曾文豪將於6月3日在淺水灣設婚宴,二人拍拖半年即「閃婚」,更耗資近百萬在不丹及喜瑪拉雅山影婚紗相,之後會在男方最新於法國購買的美麗花園開派對,屆時會請香港的親友到場分享喜悅。

陸詩韻做姊妹團

現時美慧期待着自己的婚禮,問到姊妹團方面時,她表示會找陸詩韻及一些以前的圈內朋友擔任,說到陸詩韻之前曾與曾文豪的弟弟曾文能拍拖,她笑說:「哎呀!我哋之前真係唔知,一叫佢就應承,大家都冇講過,不過依家大家都知,佢應承咗都要做啦!(怕唔怕佢哋尷尬?)咁大個人唔會啦!」

唔怕尷尬

而陸詩韻接受訪問時大方承認:「係呀!不過應承佢做姊妹時,根本唔知佢丈夫係邊個,世事就係咁巧合,我同美慧十幾年前已認識,但唔係話好熟,之後拍劇重遇番,有時大家共同朋友聚會都會見到,佢當日叫我做姊妹,我一口就話:『好呀』!根本冇問過佢丈夫係邊個。(會唔會驚到時見到曾文能尷尬?)又唔會,我哋大家都係朋友,有時喺啲聚會都會見到,見到佢家人都唔會尷尬囉!」

難掩興奮

提到法國的結婚派對時,美慧難掩心中興奮:「嗰個園地係佢(曾文豪)最新買嘅,到時我哋會安排親友飛過法國,然後坐直升機到達園地,佢都識揸直升機,到時會親自揸過去,我都係第一次坐,依家派對場地搵人布置緊。」

----------------------------
東網巨星開咗ig喇,大家快啲follow啦!
https://goo.gl/KGuo2N