幫手?撈！梁佩瑚勸細佬戒煙

梁焯滿一直與前港姐家姐梁佩瑚感情要好，對於弟弟身體有事，身在美國的她接受東網訪問時直言非常擔心：「我哋感情好好，最錫就係兩個細佬，我會鬧佢唔好食煙，最緊要係人冇事，會一直問住佢健康情況。」她又稱平日會向身邊朋友推薦細佬，希望為他增加工作機會：「細佬最出名演『肥屍』呢個壞人角色，所以遇到識人開戲，就會問佢需唔需要壞人角色，有就用細佬。平時我做訪問都會提佢，佢有事我一定幫。（錢上面都會？）都會幫，不過阿滿好獨立，唔想麻煩到人，錢銀上面幫到就幫，佢都錫我，之前知我要飛成兩個月，都專登同我食飯。」

----------------------------

東網巨星開咗ig喇，大家快啲follow啦！