喪父後首復工 袁偉豪演鐵探感觸良多

20180522
東網電視
更多新聞短片
袁偉豪安排好父親後事後隨即投入工作。
演員袁偉豪父親上星期因鼻咽癌病逝,安排好父親後事後袁偉豪隨即投入工作。袁偉豪與蔡思貝、梁烈唯及楊潮凱下午在荔枝角為劇集《鐵探》拍攝外景。痛失至親的袁偉豪心情看來已經平復不少,雖然還有點鬱鬱不歡,但閒時也有與梁烈唯、蔡思貝傾偈,他說:「依家好啲,靜落嚟都會掛住屋企人,只能夠講做好自己嘅工作,繼續向前行。」
向爸爸致敬
袁偉豪爸爸生前是一位警察,今次他角色扮演鐵探自然感觸良多。袁偉豪指會收拾心情希望拍好這套劇集向爸爸致敬,他說:「仲頂得住,套劇嘅人物、故事同現實好似,感覺好玄妙,鐵探後期又係有絕症,情節同我要面對嘅差唔多,生離死別、出入殮房,返到嚟開工感覺好巧合。不過,反而因為件事,想做好啲向爸爸致敬。」
唔再騷肌
袁偉豪在之前多套劇集也有騷肌場面,雖然電暈女粉絲,但為求突破,今次與監製蘇萬聰商量不再騷肌,但為演繹身患絕症病態狀況,要為角色減20磅,他說:「一邊開工,一邊要減磅都幾大壓力,又要有體力拍嘢,但又唔可以畀自己食得飽,飯盒都係食兩啖,一路調節飲食。」
拍追逐戲嗌刺激
此外,劇情拍攝到袁偉豪、蔡思貝、梁烈唯拘捕了大反派楊潮凱。蔡思貝與袁偉豪繼《鐵馬戰車》後再合作,今次飾演好拍檔,有不少警匪追逐場面,她說:「唔辛苦,好好玩,之前喺花園街拍咗一場追逐戲,好刺激。」