阿Sa鄭希怡食韓燒　阿嬌留酒店等做索新娘

準新娘鍾欣潼（阿嬌）將於美國時間25日喺洛杉磯舉行結婚派對，佢一班好友好似經理人霍汶希（Mani）、蔡卓妍（阿Sa）、鄭希怡（Yumiko）一家等已聚首於洛杉磯，不過就唔見女主角阿嬌同埋早幾日先知道美國簽證過期嘅容祖兒（Joey）。

Mani透露準新娘阿嬌要留守酒店休息所以冇蒲頭，仲話佢要爭取時間養足精神做個靚靚新娘，Mani又謂：「我們今晚難得聚首一堂，和阿Sa出外吃了韓國燒，和梁浸浸玩了一晚好開心。」

至於剛剛幫Twins搞巡唱嘅音樂人陳明道（Terry），亦有喺社交網晒出同Twins嘅合照，同埋Twins嘅開騷相。見到阿嬌喺台上勁有自信，似乎狀態大勇！