感情生變？廖碧兒秘密返溫哥華讀書

藝人廖碧兒（Bernice）之前被爆與富豪男友盧啟賢（Calvin）密遊芬蘭後，以為情定此男，但卻有變數，Calvin不停被揭曾結婚及有女兒，還有一位疑似未分手的泰國電訊公司太子女女友Nina，二人早前更去亞博欣賞美國歌手Bruno Mars演唱會，關係相當混亂。

接受電台訪問

被指是第三者的Bernice表示百分百相信男友，但就「失蹤」了一排，原來她秘密返了加拿大溫哥華讀書，近日更現身前無綫藝人李婉華於溫哥華的電台節目《小心華之里》受訪。Bernice更提及她重返校園讀書，而婉華更認識到Bernice是個性情中人、又愛家庭及有愛心，印象很不錯。

想做醫生

Bernice在訪問中表示︰「我依家喺宿舍住緊，一個大學生嚟。（呢個係未完心願？）係，好多人覺得點解隔咗咁耐會返嚟讀，隔幾年呢度（摸住頭）都會諗一諗，我自己本身都好鍾意讀書，我唔知大家知唔知，我本身係讀醫，入大學想做一個醫生幫人，中間轉咗科，之後又選美啦，咁我成個世界轉變咗去咗香港。不過，我有好多隻狗仔，佢哋係狗醫生，我未做到醫生，佢哋幫我履行緊呢個任務，好得意！」

會返港拍劇

今次Bernice返溫哥華會留六星期讀書，婉華問她記性是否還好，Bernice擰擰頭示意：「唔好呀，要搵方法去記，好彩啲同學仔好好，好享受呢個讀書生活！（全情投入？）唔係，我要諗好多嘢，每個星期都會飛返香港做嘢，讀完呢六個禮拜，pass咗先知會唔會繼續讀！」Bernice雖享受讀書過程，但仍記掛香港的粉絲，她稱會返港拍劇搵錢：「我唔可以離開我啲觀眾，有時間就會返嚟讀，唔會畀自己太大壓力，最重要係enjoy過程。」另外，Bernice亦大談昔日在溫哥華的生活，提起家姐及細佬等，而其父母則要北京、香港及英國幾邊走。