自嘲唔達標！麥明詩指選港姐最緊要減肥
20180524
東網電視
更多新聞短片
麥明詩出席記者會。
前香港小姐麥明詩在尖沙咀出席《2018香港小姐競選》招募活動記者會，以背心示人的麥明詩望落清減不少，問到她今年有沒有朋友選港姐？她笑說：「我老喇，身邊朋友同我差唔多年紀，但都會鼓勵佢哋參選。自己當年冇猶豫就參選，人年紀愈大愈多猶豫，少咗冒險嘅心。」
參選要持開放心態
麥明詩指當年參選因為前兩屆都是全民投票，覺得這個賽制較適合她：「因為我達唔到傳統港姐標準，冇5呎7高，更加冇36E，全民投票反而可以畀觀眾留意到其他方面嘅素質。」麥明詩提議新一屆港姐應該先上《#後生仔傾吓偈》接受她與馮盈盈的訪問，讓觀眾作深入了解：「最緊要先減肥，唔好以為入選就會幫妳改造一切，因為第一日面試嘅相已經會流傳萬世，所以第一日面試已經好重要。同埋唔好抱太大期望，要懷着一個開放心態，每年嘅制度、節目內容都唔同，亦係考驗適應能力，對做人都好有用。」
----------------------------
東網巨星開咗ig喇，大家快啲follow啦！