台灣組合S.H.E成員任家萱（Selina）近日同屋企人去旅行，繼之前喺機場超浮誇扮名模，呢日佢再晒出同妹妹任容萱嘅水着相。Selina着上小背心配熱褲，妹妹就以三點式上陣，二人齊齊坐上獨角獸水泡擺甫士，實行做「網美」。但原來影靚相嘅背後，全靠任爸爸呢位幕後功臣，Selina甫出一張組圖，入面見任爸爸好落力咁幫佢哋調較好水泡嘅位置，仲落埋水幫手推，真係勞苦功高。Selina都有喺留言話成功「網美」嘅背後有一位偉大嘅男士，多謝任爸爸嘅付出。