【兩房單位】蘇志威劉小慧準備飛日本買樓

藝人蘇志威、劉小慧、林盛斌（Bob）、范振鋒（Ricky）、李思欣、姚嘉妮、林祖輝及方伊琪到大角咀出席MediPoint醫學健康中心開幕活動，分享對身體檢查及保持健康的睇法。蘇志威及劉小慧直言向來少做體檢，蘇志威說：「我外表睇落OK，冇咩病痛，所以懶做body check，但之後會做多啲。（最近忙啲咩？）草蜢六月底喺廣州有Show，而且演唱會DVD就出，呢幾個月都去咗台灣、新加坡、馬來西亞做巡迴演出。」<br/><br/>小慧透露19歲女兒將於9月到日本留學三年多，最近忙於為她準備，例如解決住屋問題：「個女第一次離開我哋咁長時間，都好掛住，依家幫佢睇緊樓，買樓機會都幾大，始終樓價冇香港咁貴，與其租幾年，不如買。（預算幾多？）唔好講錢，都係兩房單位，應付到，其實平時我哋都一年去兩、三次日本，買咗樓之後就可以更經常返呢個『鄉下』。（呢段時間陪多啲個女？） 佢不嬲黐父母，依家佢喺酒店做緊嘢，一放工嘅時候都會珍惜相處時間，佢都大個，父母係時候放手。（今次佢去讀咩？）學甜品，其實佢都有天分，希望佢變得更專業！」