【私藏床照】定欣爆馬浚偉白過佢

東網電視

定欣話佢同馬浚偉有私藏床照。

藝人馬浚偉、胡定欣、黃心穎及蕭正楠等現身深水埗，出席無綫熱播劇《宮心計2深宮計》宣傳活動，席間與粉絲大玩遊戲，場面墟冚！而劇集總監制梅小青宣布劇集於內地騰訊網上架不足24小時，已錄得超過1億點擊，成績令台前幕後高興不已。

讚定欣嗒得杯落

馬浚偉與胡定欣一同受訪，談到劇集已有內地上架，馬浚偉謂：「真係嗒得杯落，好似定欣咁，我知道都只係審批過程搞遲咗啫。（一直冇擔心過。）冇就呃你，梗係想多啲人欣賞到啦。」談到有指延遲上架是宣傳，定欣否認謂：「咁似乎係37集劇情嘞！（該劇35集）。」

馬浚偉似隻小白豬

二人又打趣昨晚播出的「床戲」，他們有拍照私藏，定欣還開玩笑：「拍嘅時候發現馬浚偉膚色仲白過我，都有嘢睇㗎，如果收視、點擊再好啲，我哋咪考慮公開囉。」馬浚偉聞言即再笑謂：「我好似隻小白豬伏咗上佢身，但搵一隻手撐住㗎！」

談到定欣角色造型額前的花鈿，引起網民無限聯想，定欣一點不介意，且笑謂：「見到有手機Logo，仲有埋銀行Logo，不如發揮到無綫Logo，咁我入公司可以直過，唔使職員證。」

----------------------------

東網巨星開咗ig喇，大家快啲follow啦！

on.cc東網