藝人馬浚偉及胡定欣等下午到深水埗，出席舞台劇《偶然·徐志摩》慈善首映記者會。早前於內地拍劇關係，身為女主角的定欣返港後日以繼夜趕進度：「覺得有啲頻撲，但冇咁緊張。今次演舞台劇同以前拍劇有唔同，要適應，好彩馬浚偉好好，畀咗好多意見我。」馬浚偉則讚定欣甫埋位已做到7成，有信心對方可以在舞台盡展最美一面。

談到今次11場演出的售票情況，馬浚偉笑謂：「廣告未出，已買出6、7成，我預留咗空檔可以加場。嚟緊會同時見到我哋舞台劇同電視劇嘅廣告，我有親戚傳短訊同我講，話周圍都見到我，所以佢飛咗去加拿大，但去到都聽到我嘅訪問，我惟有叫佢認命啦，遲啲我同定欣仲去美加演出。」

對於早前接受電台訪問，竟自爆對定欣「情史」不了解，馬浚偉笑說：「原來佢兩個前度我都識，不過係畀佢嘅才華吸引先邀佢合作。（介紹男仔畀佢？）我身邊都冇好人，最好係我喇！」談到《宮心計2深宮計》內地網兩日錄得接近兩億點擊，定欣說：「咁落去可以過30億點擊啩。（慶功？）等10億點擊、香港30點收視先啦。」