監製勁讚！洪永城壓力大驚現「男人最痛」
20180529
東網電視
更多新聞短片
好在已經冇事！
藝人洪永城（Tony）以嘉賓身份出席著名資深編劇陳寶華主講的座談會，對於獲陳寶華讚有喜劇感及節奏感，正拍攝對方擔任總監製的新劇《多功能老婆》的Tony笑說：「多謝佢咁讚我，佢成日話我口才好叻，節奏感好好又好笑。佢話加多啲搞笑戲畀我，其實我想做認真嘅戲。不過今次同佢合作喺佢身上學到好多嘢。」問到如果陳寶華找他到內地拍劇可有興趣，他說：「佢搵我梗係有興趣，內地市場非常大，亦都有好多可能性。」
壓力大到脫髮
提到於分享會上透露早年拍攝時出現甩頭髮現象，Tony說：「有咁嘅壓力，但我新陳代謝都唔錯，好快冇事。但每個演員都要諗辦法喺唔同情況底下面對壓力時要釋放自己，或者搵辦法令自己冇咁大壓力。」
做評判險死
講到蕭正楠日前與張振朗宣傳《美女廚房》時，爆為節目擔任評判的他對蝦蟹敏感，搞到氣管收窄，呼吸困難，Tony笑說：「總之好驚險，不過依家我生勾勾企喺度。」他更透露今次節目會有新玩法。
----------------------------
東網巨星開咗ig喇，大家快啲follow啦！