要揈3米水袖 胡定欣怨馬浚偉：最衰係你
藝人胡定欣，馬浚偉及林敬剛為舞台劇排練，胡定欣與馬浚偉即場上演一場二人跳華爾滋的戲份，拖手起舞之餘更面貼面演出，舞姿熟練，相當優美。
三人在劇中都有跳舞的戲份，林敬剛直言跳舞最難的地方是要舞中帶戲，定欣則笑指跳華爾滋，通常是男帶女，但今次是女帶男。被問到排練跳舞時，可有互相踩到腳？定欣說:「有，我都唔好意思，但熟練就OK，崑曲嗰度已經搞掂咗，劇都排咗八成，依家係練緊水袖舞！」定欣笑言後悔答應馬浚偉以三米的水袖來演出，直言困難：「三米係舞台演出靚好多，但亦難好多，依家唔使做gym，體力係超乎想像，就嚟要着住舞衣嚟瞓！」
馬浚偉則笑言其實早已預計定欣要以三米的水袖來演出，亦沒有得定欣同意，因知道對方一定會答應，定欣則在旁笑言：「最衰都係你！」馬浚偉就安慰對方，到時在舞台上得到掌聲後，就會知道是值得，又對定欣笑言：「你叫你啲fans到時唔好舉燈牌呀！」
認《宮心計2深宮計》剪接多
馬浚偉與胡定欣的無綫劇集《宮心計2深宮計》中，有網民剪輯一段片段，指40秒的戲中，有31個剪接位，令人「睇到眼花」，馬浚偉解釋：「場口多，人嘅反應亦好多，加上我哋係單機拍攝，要硬Cut先可以有晒咁多人嘅反應，但我都承認有幾個場口其實係唔需要咁多Cut嘅，呢啲係剪接師嘅心意！」對於有網友指看劇集可學成語，二人笑指拍攝時亦上了一課。
----------------------------
東網巨星開咗ig喇，大家快啲follow啦！