向電影界致敬　張子丰吳海昕重演經典過戲癮

多方位創作人張子丰（Fred）回歸歌手身份，事隔一年推出最新情歌《爛片王》，受訪時還自爆於幾百個「候選人」之中，精心挑選演員「民選港姐」吳海昕（Sofiee）擔任其MV女主角，重演四齣經典電影過足戲癮，不過Fred就話不會完全模仿戲內情節，因為都不希望製成品有「惡搞」意思，純粹想向電影界致敬，呈現其感覺：「所以喺服裝、美術、鏡頭上都係諗點襯我哋兩個。」

比起自己的造型，Fred坦言更為女主角Sofiee着緊：「佢有一幕要扮《半支煙》嘅舒淇，都花咗好多時間去傾點拍，搵佢拍都係因為想搵一個有電影感、有氣質嘅女仔，當初都係膽粗粗透過經理人搵佢，都唔知得唔得，通常我決定咗想要嘅嘢，得唔到就會好失望、好唔開心，所以佢未答之前都好擔心。」此話一出，即時令Sofiee受寵若驚：「最開心佢講咗一樣嘢，係有電影感，係我一直建立嘅形象，想人哋覺得我係屬於大螢幕。今次要重演嗰四個角色自己都好鍾意，冇乜邊個MV係可以扮足咁多個女神。」她又續指扮舒淇最感到壓力：「MV係冇對白，要靠肢體語言去表達，要點樣用佢楚楚可憐嘅眼神做戲，係演技上嘅挑戰。」而講到最深刻的一幕，二人都不約而同講出《天若有情》的電單車情節。

張子丰

化妝：MUA Yip CHO Ching@makeupforeveracademy

頭髮︰Terrence Chan @ HAiR

吳海昕

服裝︰iBlues