備戰健美小姐！黃榕晚晚同男友係咁操
擁有34B上圍的藝人黃榕（Gloria）近日積極備戰即將舉行的健美小姐比賽，身形明顯細了一個碼的她，狀態大勇，身上零脂肪，她接受東網訪問說：「仲未最Fit，依家97磅，想練番啲背、腹肌同Pat Pat嘅線條。」
自認重口味的她覺得最痛苦是戒食：「我鍾意食甜、食辣，依家只可以食好清嘅雞、魚同菜，比賽前兩日連水都要戒，只可濕吓個口，要抽乾水分同脂肪，令線條更明顯。」除了忍口，她每日亦要做三小時負重運動，以及300下Sit Up，她甜爆說：「晚晚都同男友做㗎！（做乜？）一齊做運動，佢係健身教練。」
提到對比賽的期望？黃榕坦言攞獎機會微，因同場比賽的全是「大隻妹」，但不覺今次是「攞苦嚟辛」：「想攞個經驗、影靚相，訓練自己有個完美身形，仲可以練意志力，完咗比賽都會繼續Keep Fit。」
----------------------------
東網巨星開咗ig喇，大家快啲follow啦！