李佳芯唔覺王浩信有異樣：佢狀態好好
20180601
東網電視
更多新聞短片
李佳芯計劃放假同家人去日本。
藝人李佳芯（Ali）出席美容活動，她透露正忙於拍無綫劇集《白色強人》，拍完就可以休息。Ali稱已計劃放假與家人到日本旅行：「因為我屋企人好想去日本，我爸爸係唔會食魚生嘅人，佢成日都話魚生冇益，唔可以食生嘢，但佢突然好似開竅咗咁，佢話去日本都好，佢可以食烏冬，所以我一定要同佢去日本。（男友陳炳銓會唔會一齊去？）唔會。（有多個人可以同你照顧兩個老人家？）我30幾年嚟都係一個人照顧，都好好。」
唔覺王浩信有異樣
對於王浩信與太太陳自瑤傳分居，曾跟王浩信合作過劇集《踩過界》的Ali坦言不時就有這些傳聞，但當事人沒有回應，她也不便多講。問到合作時有否發覺對方有異樣？她說：「我同佢合作拍劇已經係上年，之前活動有見過佢，佢各方面狀態都好好，但冇問佢感情事。（如果真係離婚會唔會感可惜？）會，有小朋友又係另一樣嘢，佢哋會為小朋友而努力維繫感情。（會唔會打去慰問佢？）暫時唔會打搞佢，佢有新消息再決定。」
----------------------------
東網巨星開咗ig喇，大家快啲follow啦！