《深宫计》出场即死　陈庭欣晒“遗照”自嘲

无綫重头剧《宫心计2深宫计》连近日传出与富商杨振源（Benny）了解中的陈庭欣都有份参演，不过佢出场冇耐就已经死咗，喺《深宫计》中饰演“王葭”的陈庭欣系胡定欣同父异母嘅妹妹，佢使横手从家姐胡定欣手上抢走马浚伟做临淄王妃，最后畀胡定欣落毒搞到烂面，更睇唔开上吊自尽。今日陈庭欣就喺社交网上载王葭嘅“遗照”，仲自嘲“小姐边位呀”，连网友都话佢死得好惨，虽然得几个场口，不过唔紧要啦，随时嫁入豪门做少奶奶唔使挨，最紧要Benny知你系边位就得啦。