苗僑偉冇到！米雪撐愛駒　爭氣跑第三

藝人苗僑偉同米雪有份嘅新馬「蟲草之星」，今日有份跑第四埸賽事，話晒都係頭一次上陣，梗係值得期待喇！雖然苗僑偉冇嚟馬場，但米雪就做代表撐場呀，今日米雪佢戴黑超着住套白色suit，啲星味真係隔住個mon都感受到呀，呢啲咪就係氣場囉！

講番隻「蟲草之星」，呢匹馬雖然臨場冷到96倍，但最尾都有意外收穫跑第三名呀，位置派彩仲有$171超級好分頭，唔知米雪姐有冇買番多少呢？仲有呀，呢匹馬第一次上陣就咁叻仔，睇嚟好快有頭馬拉喇，到時苗僑偉記得入場喇，唔好錯失機會！