花膠響螺冧同事 曹永廉蕭正楠老人院開鑊

20180604
東網電視
更多新聞短片
曹永廉與蕭正楠在老人院送暖,不亦樂乎。
無綫藝人蕭正楠、曹永廉合作拍攝節目《兄弟大茶飯》,周圍煮嘢食畀唔同劇組品嘗,之前佢哋去完新疆沙漠煮好嘢畀一班《包青天再起風雲》嘅劇組同事食;日前,佢哋又去咗深圳整龍鳳壽司冧《白色強人》嘅演員,唐詩詠、李佳芯、郭晉安同幕後工作人員都有份食,見到佢哋夾手夾腳,阿廉揸起刀嚟又有板有眼。
問可有演員投訴難食?阿廉話:「我哋啲燒味壽司同沙冰好好味㗎!大家畀面梗係話好食啦!其實真係OK㗎!之前我哋都整過花膠響螺雞煲添!」阿廉坦言自己做過廚房,自己識切嘢,而蕭正楠亦做過日本餐廳,所以整壽司絕對冇難度。阿廉仲話:「以前喺屋企我係自己煮飯嘅,不過依家等姐姐搞啦!」原來阿廉早排去咗老人院整嘢食畀公公、婆婆歎,佢話:「嗰一集最有意義,有啲九十幾歲婆婆,一邊食一邊同我哋傾偈。」
難忘與耆英邊傾邊食
至於現時正為《美女廚房》擔任主持的蕭正楠可謂甚有口福,講到《兄弟大茶飯》,佢咁話:「一切如火如荼!特別之處係去啲偏遠地方探劇組,其實最有意思嗰一次係去探老人院,我哋煮漢堡畀佢哋食,最重要係有人關心佢哋,同佢哋傾偈又唱歌畀佢哋聽,佢哋就開心,你知啦!阿廉好少做善事,我都一樣啦!哈哈!所以呢集係好有意義嘅!」
----------------------------
東網巨星開咗ig喇,大家快啲follow啦!