前男友離世　Lea T.去旅行散心

模特兒Lea T.擔任校園時裝騷模特兒，問到有咩工作大計？佢話：「都係做模特兒，8月去旅行，會去西班牙、倫敦同埋冰島等等地方，因為每年暑假我都會去旅行，因為香港實在太熱。」

咁問到Lea T.有冇男朋友？佢有少少唔開心表示：「冇呀！冇呀！因為最近有個男人離開咗我。（係咪男朋友？）其實係前男友，啱啱離開咗我一個月，所以都唔諗拍拖住，不過我做嘢嘅時候都會好開心，多啲工作我都好開心，我都鍾意忙碌，嚟緊去旅行其實都係散心，做啲自己鍾意做嘅嘢。」