唔識老!米雪為徐頴堃慶生紮起孖辮似少女

20180607
東網電視
更多新聞短片
米雪打扮成個少女咁。
藝人米雪同姨甥女徐頴堃(Erica)一向感情好好,日前Erica踏入31歲,米雪就聯同妹妹雪梨齊齊為Erica慶祝生日。米雪喺社交網上載咗一系列嘅慶生相,相中見到有蛋糕又有花,米雪仲送上利是,睇嚟Erica今個生日認真大豐收。正所謂「三個女人一個墟」,佢哋全程不停玩自拍,雪梨仲向囡囡獻吻,相當溫馨。其中,紮起孖辮的米雪以全粉藍嘅造型現身,加上戴住Cap帽,真係少女味十足。聚會中除咗有三位靚女,就連雪梨大仔徐偉棟都有「參與」,佢透過視像通話隔空向Erica送上祝福,認真有心!