暗諷男友唔靚仔？李佳芯：才華外貌要平衡
20180607
東網電視
更多新聞短片
Ali出席商場活動。
藝人李佳芯（Ali）與林師傑出席在商場舉行的足球場開球禮，提到世界盃，Ali指這是全球盛事，一定會睇波。提及世界盃在Viu TV及Now TV播，Ali即醒目地說：「咁喺街都有機會睇到，商場都好似會播，同埋睇波唔一定喺屋企睇，多人睇仲開心。」
撐英格蘭
林師傑一向少睇波，將會於年尾結婚的他，表示今年是最後一個單身狀態，會將睇波當成單身派對。他說最難忘是18歲在新加坡當兵時，在營內聽收音機講波，而當年是意大利捧盃。Ali表示最鍾意英格蘭，她透露入行時捧碧咸，又笑言愛捧的球星都退了役。問到捧球星是㨂靚仔定好波？她抵死地說：「你覺得我鍾意睇靚仔咩？我覺得才華同外貌都要平衡啲，最好每樣有啲。」十足講男友陳炳銓一樣。她說沒有問男友捧哪隊，問有否試過因為睇波而鬧交？Ali說：「要鬧太多嘢可以鬧，唔會為波鬧交，但唔會喺酒吧睇波，太嘈，賭錢都唔會。」
互守龍門
Ali及林師傑在現場互守龍門，Ali先輕力踢球，波慢慢移向林師傑時，林師傑搞笑地打個筋斗先接球，換轉由Ali守龍門時，第一球林師傑射歪，而第二球Ali就完美接中。
----------------------------
東網巨星開咗ig喇，大家快啲follow啦！