東方日報C1：婚戒失蹤！陳自瑤死撐冇婚變

視帝王浩信與陳自瑤（YoYo）結婚七年屢傳婚變，有指兩人已分居一段日子。YoYo昨日出席公開活動時未有戴婚戒，惟死撐夫婦關係不變，問到可否以「恩愛」來形容？她當堂窒機，只Hea答「老夫老妻囉！」又沒正面回答是否有「七年之癢」，只表示不會刻意放閃證恩愛。

34歲的王浩信與36歲的陳自瑤被指已分居，有傳YoYo主動提出離婚，女兒暫時交由爺爺嫲嫲照顧。昨日是YoYo傳婚變後首度出席活動，穿低胸裝的她瘦了一圈，胸前見骨，而且沒戴婚戒，但仍專業地全程保持笑容，司儀問到如何慶祝父親節？她避重就輕說：「會同屋企所有『父親』食飯。」

口窒窒焗認「分居」

受訪時，YoYo明顯有備而來，一開始即主動澄清，死撐沒婚變：「第一，我冇提出過離婚；第二，我亦都冇趕我老公出門口，講到我潑婦咁；第三，小朋友依然都係同我哋一齊。」有傳她已找律師辦離婚，她故作輕鬆，指不知消息從何而來，但問到兩人是否「分居」住樓上樓下？她口窒窒焗住承認：「你可以話佢有個Office，除咗拍戲，佢有做啲生意，有時喺屋企唔係咁方便……」對於有指王浩信瞞住她買值3,000萬豪宅送給母親，她指老公有「通知」她買樓做孝順仔，她亦表示支持。

問到她希望堪輿學家李居明在婚姻問題上指點迷津？YoYo支吾以對，並擺經理人上枱，指對方都有問及家庭問題：「做一個風水節目，大家會講啲咩Topic？事業、婚姻、家庭，我覺得好正常。（師傅話你返港後仲有搵佢，好似好着急！）冇，唔知當中係咪有啲咩誤會。」有指浩信奪視帝後忙於工作冷落她，YoYo裝作沒好氣說：「佢事業好，當然戥佢開心，之前我都有拍嘢，可能係我冷落佢呢！（你網上發文好似若有所指？）係想分享人生目標，唔明點解幻想成另一樣嘢。」

提「七年之癢」即落閘

至於現時可否用「恩愛」來形容夫妻關係？YoYo當堂窒機不懂回答，講不出「恩愛」二字，問浩信對上一次對她施冧功是何時？她稱是去年8月她生日，再問是否有「七年之癢」？明顯招架不住的YoYo避談：「唔想再答其他問題，再答得多，大家又會好多嘢講。（老夫老妻？）老夫老妻囉！」提到消瘦不少，她死撐只是着衫問題，自嘲有肚腩，至於沒戴婚戒，她解釋擔心遺失，稱平日亦甚少佩戴。會否甫合照晒恩愛證情未變？YoYo表示不需要：「我做啲乜，又話我特登點點點，我哋唔需要做啲咩去迎合人哋囉！（浩信喺傳聞後有冇錫你多啲？）唔……都唔係事實，唔使刻意去做啲乜嘢補償。」日前王浩信上載女兒畫畫照，但相中不見她，問到是否由她揸機？她笑說：「May be（或許）！」又自言向來很少上載一家三口的照片，不會為此事刻意放閃闢謠。

同場的周家蔚對於YoYo傳婚變，她表示沒有傾談婚姻問題，問有否教YoYo應付壓力？她說：「都係傳啫！大家有自己方法（處理），點都要面對。」又透露最近搬大屋，搬往大埔新寓所。

更多新聞，請瀏覽東方日報網頁：

http://orientaldaily.on.cc/