阿嬌抱小朋友滲母愛　幾時生番個先？

歌手鍾欣潼（阿嬌）一向都好鍾意小朋友，雖然新婚嘅佢暫時未有好消息傳出，不過阿嬌母愛氾濫，呢日就去咗同朋友個女慶祝生日，見阿嬌攬住個小妹妹，同一大盒糖果合照，網民都話佢成個慈母樣出晒嚟，仲催佢快啲生番個BB！

阿嬌留言話：「預祝得意毛毛豬生日快樂 #發燒中 #慘慘豬 #快啲好番就可以食糖糖啦 #你記得請番一粒好好味嘅糖糖俾（畀）我同你好鐘（鍾）意嘅michael哥哥喎。」阿嬌言語間又講到小妹妹好鍾意佢老公賴弘國，證明佢兩公婆都好鍾意小朋友！