七年之癢！何守信離開電台返加國陪老婆

藝人何守信為電台節目主持七年，今日是他主持的最後一集，其他主持人陳淑蘭、杜雯惠等為他舉行歡送會，電台為何守信送上心意卡及蛋糕，陳淑蘭送吻、杜雯惠則自彈自唱歡送何守信，何守信亦將主持棒交給梁榮忠。

何守信表示完成世界盃工作後就返加拿大放悠長假期兼陪太太，笑指主持該節目七年，今次離開屬七年之癢，直言長時間在港工作令他與太太分隔兩地，他說：「 我同自己講過，七十八歲嘅冬天就要開始休息，冇乜嘢特別原因，依家想試吓無官一身輕嘅感覺，八月中就會返加拿大，9月就會去加拿大黃刀睇北極光，11月就會去遠啲嘅旅行！」

被問到是否正式退休？他直言仍未計劃，指自己由2003年離開亞視後，一直未停過工作，又笑指主持電台節目後，改變生活習慣，他笑謂:「三十幾年嚟都唔知乜嘢叫早餐，但係呢個節目係朝早，要七點起身！（放長假會悶？）有諗過，不過覺得唔應該為工作限制自己，要試下無官一身輕！」