凡事追求完美　張敬軒缺安全感爆抑鬱

歌手張敬軒（軒仔）於本周四舉行一連六場「HINSIDEOUT張敬軒演唱會」，他在開騷前接受東網專訪，談及今次是加盟英皇後，唱片公司第二次為他舉行紅館個唱。回想未加盟英皇前，因先天家族遺傳，及追求完美的性格，令他沒安全感，經常自困在情緒中，至2007年時情緒爆發患上抑鬱症。

軒仔說：「嗰年我隻哥基患重病，好危險嗰隻，為咗陪佢，我喺獸醫診所住，要不停見住啲狗狗貓貓，生生猛猛嚟，之後就入黑膠袋擺入我背後嗰個雪櫃度，有啲主人為啲寵物嚎哭，有啲同男朋友分咗手就帶隻狗嚟人道毁滅，日日不停面對生生死死，真係好難受。」

愛犬留院12天

軒仔的哥基愛犬幸在留院第12天，病情明顯有好轉，他即時向獸醫提出要帶狗出院回家，他解釋原因說：「我頂唔住，真係人都癲，發覺自己唔掂，隻狗要咩醫治儀器全部買返屋企，我唔以再喺度。」唯一令軒仔得着是，學識了寵物的基本急救及治療成了「寵物護士」。

無懼情緒問題

問到如何醫治情緒病？軒仔淡淡然說：「冇㗎，等時間過囉。」不過隨年長變得成熟，且加入英皇很有安全感，令他無懼情緒問題：「其實楊博士（英皇老闆楊受成）教咗我好多，最記得佢話『遇上問題時，唔好再諗番轉頭，係要諗依家可以做乜，點樣解決問題』，覺得好啱，有問題時已冇時間再去鑽牛角尖。」

----------------------------

東網巨星開咗ig喇，大家快啲follow啦！

https://bit.ly/2JjSVcr