輕吻額頭!素顏熊黛林晒囡囡睡照勁溫馨

2018年06月13日 15:41
東網電視
更多新聞短片
唔知呢個係家姐定細妹呢?

名模熊黛林(Lynn)今年4月為老公郭可頌誕下一對孖女,之前更因為照顧B女而患上「媽媽手」(拇指腱鞘炎)。今日Lynn喺社交網晒出其中一位B女嘅近照,並留言:「睡吧,睡吧,我親愛的小寶貝。」相中見Lynn素顏上陣,將囡囡抱喺胸前,然後輕吻佢嘅額頭。雖然相中只係見到囡囡嘅側面,但見佢塊面脹卜卜,喺媽媽嘅懷抱中熟睡,真係非常可愛!唔少網友都大讚囡囡好得意,仲紛紛問究竟呢個係家姐定細妹。