最愛靈魂交流 蔡思貝擇偶最緊要幼

2018年06月13日 16:01
東網電視
更多新聞短片
蔡思貝與巴西體操王子馬里安奴一同出席活動。

藝人蔡思貝出席《Fashion Walk King of Sports盛夏慶典》揭幕活動,父母亦到場支持,一家三口還溫馨合照。問對同場的巴西體操王子馬里安奴有何感覺?思貝表示:「覺得佢好Sharp醒,牙齒好白,好似漫畫裏面見到嘅陽光男孩。(你之前喺外國讀過書,對異國男仔係咪特別有感覺? )覺得好有親切感,見到佢哋就好想同佢哋傾吓偈。(你同馬里安奴傾咗啲咩?)都係啲基本問題,問吓佢鍾唔鍾意香港,一盡地主之誼,如果佢喺度留多幾日,我都可以帶佢出去玩吓,Friendly(友善)啲。」

異地戀難維繫

思貝更笑言自己比馬里安奴年長,問是否不接受姊弟戀?她說:「唔係,愛係無分界限。(有冇試過異地戀?)以前喺外國拍拖都係同外國人,幾多個就唔講喇,唔講數字。(10隻手指數唔晒?)5隻手指都數得晒啦,不過如果係異地嘅話就可能難啲維繫。(會唔會要求另一半一定要高過自己? )我比較追求靈魂上交流,細細個會覺得外形好重要,拖住佢會好威水,但大個就覺得靈魂交流比較重要。」不過自爆有一項特別的擇偶條件:「我好鍾意我爹哋對腳,好幼、好修長,睇男仔會以老竇隻腳為參考,如果隻腳靚會加分。」

此外,問到無綫是否發出「禁波令」,不准旗下藝人公開談及有關世界盃的事情?思貝表示:「冇聽過呢樣嘢喎,我日日喺個廠入面拍劇,與世隔絕,冇聽過。」



----------------------------
東網巨星開咗ig喇,大家快啲follow啦!
https://bit.ly/2JjSVcr