Job接Job勁忙!胡定欣呻成年冇抖過

2018年06月13日 20:11
東網電視
更多新聞短片
定欣為日本食店擔任嘉賓。

藝人胡定欣到九龍灣為日本食店擔任嘉賓,即場炮製惠方卷。定欣表示忙完舞台劇及登台工作後計劃放假,大呻已一年沒休息:「拍完《宮心計2深宮計》後同父母去日本,上次假期係一年前,依家畀心機工作、期待假期。上次係同父母相隔廿年再一齊去旅行,媽咪去完好開心,所以都想每年同佢哋去旅行,會想去北海道。」

主題曲洗腦

定欣又笑言拍劇困身大半年,難得出活動賺外快。提到由菊梓喬主唱的《宮》片片尾曲反應好好,問主唱主題曲的定欣會否怕被搶峰頭?她表示:「佢唱得好好呀,不過我自己都唱得唔錯,好鍾意呢首歌同呢套劇,因為係第一次幫自己嘅劇集唱主題曲,意義好大,好多朋友都話我首歌洗腦,化妝師、髮型師都識唱,希望首歌會帶畀我演出機會啦!」

自認廚藝唔高

問會否有時間亮相《美女廚房》?定欣說:「應該會,雖然我廚藝唔高,但唔算地獄,我最叻煲湯但時間應該會唔夠,會回想番婆婆同媽咪嘅菜式應戰。」定欣亦不忘為節目打氣說:「始終觀眾唔同、時代唔同,公司同事都好盡力滿足觀眾嘅口味。」