荷里活走樣紅星實錄！雲妮絲維嘉膠到你唔信
20180613
東網電視
更多新聞短片
有冇眼花？點解佢哋搞成咁？
《壯志凌雲》女星Kelly McGillis慘變大媽，真係吾不欲觀之矣！其實荷里活不少當紅巨星，走紅時個個型爆索爆，但隨着歲月催人，如今走晒樣跌晒Watt，有人個樣仲變好得人驚，粉絲都畀佢嚇破膽。
韋基馬
曾演《壯志凌雲》和《新蝙蝠俠不敗之謎》的58歲男星韋基馬（Val Kilmer），當年亦是型男一名，但近年因病走樣，他被診斷出患有咽喉癌後，氣管要進行手術，聲音也變沙啞。身形則多咗個啤酒肚及雙下巴。
雲妮絲維嘉
49歲女星雲妮絲維嘉（Renée Zellweger）當年演《BJ單身日記》，迷倒不少男士，但近日已「面目全非」，有指她有整容之嫌，個樣愈來愈膠，當年可人兒的靚樣冇晒。
美琪賴恩
56歲的美琪賴恩（Meg Ryan）曾演出多部經典作如《緣份的天空》等，一頭短髮配配以甜美笑容，成為男士心中的俏佳人，由於擅演浪漫喜劇，也被稱為「美國甜心」。但歲月催人，加上太過依賴整容，令她個樣非常膠，冇晒昔日女神光芒。
米奇洛基
65歲美國男星米奇洛基（Mickey Rourke）曾接受過數次整容手術，他有時見到自己個樣唔順眼，即有再整容念頭。他試過為了整靚排牙同個鼻，從他的髖部取骨移至上顎，再裝上新一排靚牙，聽落都好恐怖，唔怪得見到米奇整容個樣，就即刻打晒冷氈。
----------------------------
東網巨星開咗ig喇，大家快啲follow啦！