軒仔認似韋利安 周柏豪樂做萬能Key

2018年06月13日 21:58
東網電視
更多新聞短片
佢哋咁樣答。

四年一度世界盃又開波,好多球星天生一副明星相,同港星撞樣!

「世界樣」張敬軒似足巴西翼韋利安,軒仔平時唱得又玩得,平時鍾意Cospley扮吓嘢!講到同韋利安撞樣,佢都有啲認同:「少少似!」尤其係眼神,不過有人覺得佢更似退役巴西球星卡卡,佢話:「唔介意,『萬能Key』都幾好,證明我個樣易畀人接受,都係大家鍾意嘅人。」

有網友就話周柏豪同比利時中場卡拉斯高似樣,但當事人周柏豪就覺得唔太似,但亦樂做「萬能Key」:「好多人話我似已故國務院總理周恩來、曼聯球星迪基亞、法甲梅斯球星伊高圖、寵物小精靈『比比鳥』,甚至澳洲女模Paula,最緊要大家開心,笑吓啦!」

沈震軒自認MK

至於沈震軒對於「翻版尼馬」的稱號,佢就話:「可能我個樣有少少中東,馬來西亞人嘅味道,以前黑啲嗰陣仲似呀,但未試過出街嗰陣畀人認錯,以前我亦試過留尼馬嘅髮型,好MK!」