男女博奕 麥明詩絕招：你變咗…變靚咗
20180613
東網電視
更多新聞短片
一班後生仔愈傾愈有計，麥明詩、陸浩明鬥爆絕招。
人與人之間相處永遠都係一門好深嘅學問，兩個人走埋一齊要學識包容同忍耐，咁先可能成為你嘅「對的人」！好似無綫節目《後生仔傾吓偈》呢集就講到情侶之間嘅相處之道，仲分享女朋友好鍾意問另一半嘅問題，同唔可以同對方講嘅說話，嘩！真係睇到大家都好有共鳴，仲搞笑話簡直一個禮拜都起碼經歷一次，有冇咁誇先？
一人讓一步
節目中講到「一句激嬲另一半嘅說話」，陸浩明（6號）就話真係點都唔可以同女朋友講：「你好煩。」不過大家都意見不一；而麥明詩仲好有感受：「你做咩喊呢？」之後又話對方：「可能佢覺得錯係你，但係你又自己喊，又要人哄番你！」呢個情況相信好多男士都經驗唔少，仲話：「喊唔係大晒」。不過俗語都話女士係「水」做，情感行先，要喊都控制唔到，咁大家咪一人讓一步囉。
我仲好愛你
當然仲有唔少說話大家都好有感受，6號話通常女朋友發脾氣，佢就會話：「你變咗喇！你以前都唔係咁嘅。」呢一句大家都話聽過10萬次，真係聽到好無奈呀！麥明詩同黃美棋都反問話咁如果係你嬲唔嬲先？6號即係話：「我仲鍾意你，好愛你。」6號咁識講嘢，難怪同女友感情咁好。
之後麥明詩就話有一招絕招，當對方講呢句嘅時候可以點對答：「你係變咗！變靚咗呀！」網民都話睇到呢句笑咗，不過又好似work喎，下次試吓先，咁就唔會激嬲對方，所以相處唔易就係咁解。
網民有話兒：
IVCXXBNMXXX：一個禮拜都起碼經歷一次。
EMIOXKIXX：睇到真係好有感受。
JASXC UIDX：大家咪一人讓一步。
PLODGXX KKX：相處唔易就係咁解。
----------------------------
東網巨星開咗ig喇，大家快啲follow啦！