食神歸位!旨呈@享樂團教煮地道菜

2018年06月14日 04:00
東網電視
更多新聞短片
旨呈返嚟啦!

樂隊享樂團主音旨呈事隔近一年再推出網上煮食片《食神再歸位》,他笑言早前忙於出歌,因此「食神」要暫時回鄉耕田:「不過我驚人唔記得咗佢,所以要歸一歸位。」說到這次與樂隊成員Samuel拍攝包雲吞短片,旨呈解釋最近天氣變幻莫測,加上出入冷氣地方容易傷風感冒,因此想到打乞嚏要「包雲吞」,同時又可以配合香港地道菜色的主題。

旨呈每次拍攝都會加故事到短片內,希望有偶像周星馳充滿創意的感覺:「就咁教人煮嘢食好悶,最好玩係引人去睇發生咩事,用有劇情、有張力嘅手法帶大家去『食神』世界好過癮!」他坦言每次都要花很多時間構思故事,例如去年與譚杏藍拍的缽仔糕煮食片,就搞笑地以俗稱缽仔糕的Nude Bra作引子:「我想帶出唔好用假嘢,不如食真嘅缽仔糕。」

至於為何喜歡煮食?旨呈表示受到曾為英女皇煮飯的大舅父影響,又笑言:「當年英女皇喺樓梯跌親,就係因為我大舅父煮嘢太好食!呢個講笑啫,不過我全家煮嘢食都好叻,我細細個就跟我爸爸學點煮,最拿手就係整菜膽杏汁燉豬肺湯。 」

----------------------------
東網巨星開咗ig喇,大家快啲follow啦!
https://bit.ly/2JjSVcr