小塵埃出碟翻唱經典兒歌

2018年06月14日 04:45
東網電視
更多新聞短片
小塵埃將推出一隻翻唱兒歌專輯。

組合小塵埃到電台受訪,表示將推出一隻翻唱兒歌專輯,當中會有6首歌,全部都是一些70、80、90年代的經典兒歌,問到為何會有這個構思?他們說:「我哋兩年前做一個電台節目,唱咗3首兒歌陪伴就嚟開學嘅朋友,其中一首係《小太陽》,係我哋最鍾意嘅兒歌,之後公司問我哋有冇興趣認真錄呢首兒歌,我哋係有嘅,但因為當時要出第二隻專輯,所以等嗰隻碟宣傳期過晒,我哋就搵有咩歌適合呢隻兒歌專輯,其中一首就係《小太陽》。」

他們亦謂7月頭會發布新碟,而每首歌都會拍MV,希望以前年代的小朋友會喜歡他們唱的版本。他們亦謂今個星期六會與公司師兄陳柏宇、林奕匡、林二汶及葉巧琳出發去斯德哥爾摩,與瑞典的音樂人合作寫3日歌,他們表示很期待:「希望去完呢個旅程之後,返嚟出碟會有新嘅諗法,畀到我哋啟發去演繹呢啲翻唱嘅兒歌。」