湯怡主動約原島大地開餐搞掂「姊弟戀」
20180614
東網電視
更多新聞短片
兩個都係慢熱真係要諗吓辦法。
入行12年的湯怡終於躋身女一，與原島大地於英皇電影《某日某月》內大談「姊弟戀」，湯怡笑指有難度：「我同大地都係慢熱嘅人，開工前未係好熟。咁落去唔係辦法，所以我主動向導演提議，話開工前要多啲見，排戲、食飯同傾偈都一齊。（最終點樣打開大地嘅心扉？）原來佢都多嘢講，只不過要話題啱佢囉，好似食、車咁。」
今次湯怡為演活一個中學生，不少場口都選擇素顏演出，30歲的她讓「時光倒流」幸而造型被網民讚「稱職」，令她如釋重負，談到電影票房，她坦言非能力控制：「已經盡力去做，好彩之前嘅優先場都差唔多爆滿，多謝大家嘅支持。」
戲中湯怡與大地的交流「點到即止」。湯怡難忘大夜班拍攝彼此對望的一場深情戲：「我哋一對望就爆笑，NG次數嚇親人，搞到幕後陪我哋留堂好唔好意思，好彩最終都完成咗呢場戲。」湯怡又大爆導演劉偉恆趣怪的一面：「我有場喊戲，自己匿埋準備，正式埋位時我慢慢投入，點知導演突然喺旁邊唱主題曲《還是覺得你最好》，佢話有音樂會讓我易啲入戲，真係畀佢激死！」
----------------------------
東網巨星開咗ig喇，大家快啲follow啦！