性愛片流出被屈係家燕新抱 祐珊:唔係真嘅

2018年06月14日 10:10
東網電視
更多新聞短片
石祐珊指性愛片中的女士不是弟婦。

新任奶奶薛家燕日前才娶完新抱,兒子石耀庭與女友陳素怡在酒店大排筵席宴請親朋,新娘子乖巧甚得奶奶歡心,但近日網上卻流傳一條性愛視頻,更有人聲稱是薛家燕的新抱陳素怡,家燕女兒石祐珊回覆東網:「第一眼望就知唔係。」珊珊表示昨日已有朋友問過,她說:「唔係真嘅,一睇就知,完全係另外一個人。(媽咪、細佬同弟婦可有影響心情?)冇啦,又唔係真,無聊事一則,尋晚有話畀弟婦知,佢哋忙住搞16號另一場婚宴,又冇時間休息。都冇乜點去講,因為唔係真嘅。」