玩穿越？基斯派恩現身拍《神奇女俠2》

未睇《神奇女俠》（Wonder Woman）嘅朋友，以下內容將劇透故事結局，慎入！

DC人氣電影《神奇女俠》去年上映叫好叫座，不但於全球大收64.4億港元，被封DC最正超英片，更捧到打得又睇得的女主角Gal Gadot紅到發紫，而且火速添食！電影續集近日正式開拍，導演Patty Jenkins於社交網Twitter上載開工照，第一張就見到上集型爆男主角基斯派恩（Chris Pine）回歸！無錯，飾演特務的他上集撻着「神奇女俠」Gal之後，於結尾大戰中已經犧牲咗，所以粉絲見到導演分享他上陣續集的照片都大為驚喜，想知他點翻生？續集背景為1984年，是為前作背景的66年後，有眼利粉絲就於社交網指基斯於Patty上載的開工照中未見老態，可能有時空穿梭情節咁話！

此外，Patty Jenkins亦有分享Gal於續集的新相，不過僅見倒影。而基斯亦被拍到與Gal齊齊開工，有講有笑，似乎默契都火速回歸。二人於片中將對抗由姬絲汀慧（Kristen Wiig）出演的奸角「Cheetah」，她是前英國考古學家，一次於遺址探險意外獲得獵豹力量，個性嗜血。