鄧月平緋聞男友杜恒霖遭入稟追討70萬租金

2018年06月14日 12:34
東網電視
更多新聞短片
杜恒霖表示會向會員同員工負責。

曾經與「巨胸翠如」鄧月平(Larine)傳緋聞的前拳王杜恒霖,其位於中環皇后街的拳館地舖被指拖欠兩個月共70萬租金,遭業主入稟追討。杜恒霖今日回覆東網:「尋日收到業主入稟,本來租約去到明年3月,同業主傾咗提前退租,諗住賠多幾個月錢畀佢,按金都冇得拎,成筆數都過百萬,業主本身係接受我退租嘅,但最終同業主堅持嘅價差咗20萬,喺未有共識下佢就入稟。」

杜桓霖表示他的拳館在中環該舖位租了六年,他說:「開頭租金係40萬,之後加到46萬,對上一次傾續約時,因為巿道唔好,就減租到35萬,因為業主係接受我提出退租,所以佢都放咗(舖位)出去兩個月,期間都有人嚟睇過,但據我所知未成功。」杜桓霖最緊張是佢拳館的會員同員工,他說:「最驚人哋以為我清盤執笠,我係一定履行責任,會繼續畀服務我啲會員,我已經搵到新舖,依家未知繼續同業主再傾,定係要法庭見,當然我想盡量賠少啲錢。」

而緋聞女友鄧月平對杜恒霖的拳館被指拖欠兩個月租金,鄧月平回覆東網:「係咩?唔清楚,唔回應,你問番佢本人。」她不談兩人緋聞,表示不回應八卦新聞,專心工作。