勁讚廚藝!周柏豪諗住層樓寫老婆名

2018年06月14日 12:50
東網電視
更多新聞短片
真係讚到天上有地下無。

藝人周柏豪於尖沙咀出席品牌活動,密密拍劇的他表示很久沒有出席香港的活動,為準備演唱會,上星期已暫停拍劇,打算用一個禮拜時間來整理自己,不過七日當中就有六天要工作,他說:「要還廣告債,做咗代言人要履行責任,聽日就去東莞準備演唱會!」

被問到狀態如何?他表示今次戒口很成功 以前總會有一兩日食炸雞,他說:「唔知係咪人大咗,依家同老婆食得好清淡,真係鹹魚白菜也好好味,有時食沙律都好開心!」問到老婆廚藝如何?他大讚好好,遺傳外母的優良血統,他說:「我外母煮飯好好食,係餐廳嘅質素,但係完全冇落味精,我直情同佢講不如我開間私房菜畀你,不過都係驚佢哋辛苦!」

至於自己的廚藝如何?他說:「梗係唔得啦!細細個以為自己可以做廚師,因為有煮過午餐肉、煎雞蛋,煮麵阿哥食,就覺得自己好叻。」他表示老婆最近煮慢煮豉油雞,直言「出面食唔到」笑謂為答謝老婆,將層樓寫老婆名。