差啲分唔到！湯洛雯倪晨曦「姊妹檔」出騷

靚女湯洛雯（靚湯）與倪晨曦（Elva）、與衛詩等到旺角出席品牌活動，被指是「失散姊妹」的靚湯與Elva，笑言是首次以「姊妹檔」出席活動，靚湯更說：「我哋好興奮呀，前一晚仲喺度傾偈，想夾好個造型，可能我哋語言溝通上問題，大家都紮辮不過效果唔同。」她又直言與Elva出活動好大壓力，要極力操弗，最近亦只食雞胸肉。

靚湯跪喺度求細妹齊齊拍廣告

二人又提到各自都有親妹妹，不過Elva比靚湯親妹湯樂瑤更似樣，靚湯說：「因為我同妹妹都差9年。」靚湯指與親妹打扮風格大不同，好難分享衣物：「佢啲衫我着唔嚟，可能要着兩件先遮得晒！」靚湯又笑言與樂瑤拍廣告後，身邊不少男同事打探妹妹動向，問妹妹有否打算出道？她說：「其實佢唔想拍，我係跪喺度求佢，因為想姊妹有樣嘢留念，佢覺得怕醜，我話畀埋我份酬勞佢啦！（開空頭支票？）上次去馬爾代夫我有請番佢，不過佢都係時候孝敬吓我。」

Elva同孖生細妹一年見一次

而Elva則有孖生細妹，笑言妹妹沒有為「撞樣」新聞不開心：「佢都話多咗好多人睇佢IG，我就同佢講番香港呢單新聞。」Elva指親妹身在多倫多，是一名典型上班族：「佢係怕醜形，大家都話我斯文，佢仲要再靜啲，我都想可以同妹妹影多啲相留念，因為大家係一年見一次。」

提到靚湯在馬爾代夫大解放，Elva亦大留意笑言「好噴血」，問稍後與朱千雪到北海道拍旅遊節目，會否再騷一下身材？靚湯說：「應該都有浸溫泉，我性感底線係露肩，上次已經係性感極限。」

--------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://bit.ly/2sVNHKu