生日學整甜品 陳貝兒闖天涯海角覓真愛
20180614
東網電視
更多新聞短片
陳貝兒今日生日出席活動，談及上次拍攝《嫁到這世界邊端》節目第1輯時真情流露（圓圖）。
藝人陳貝兒與梁祖堯出席《煤氣烹飪中心X法國Disciples Escoffier專業烹飪文憑》活動，烹飪高手梁祖堯讀過不少烹飪課程，早前更因報讀甜品課程而睇營養師，他說：「我之前讀法國菜課程，肥咗20磅，因為要不停試食，所以後來再讀甜品課程時，要專程去睇啲營養師調教番啲餐單先，要拉上補下，如果唔係真係不得了，我都要保住個褲頭，呢啲錢唔慳得。」
去40日轉機19次
而將要學甜品課程的陳貝兒十分期待，她說：「整嘢食好開心，覺得好有愛，又可以同朋友分享。」今日是陳貝兒正日生日，問如何慶祝？她表示要工作，同埋籌備《嫁到這世界邊端》節目第2輯：「星期一就飛，今次會去40日，轉19次飛機，會去土耳其、波蘭同希臘等地，有啲地方我自己都唔知喺邊度。」
拍第1輯時，陳貝兒因為婚姻出現問題，在節目上觸景傷情爆喊，問今輯心情係唔係有所不同？她說：「都會，上次心情好沈重，今次應該會有另一個態度，咁都好替啲女仔開心，去到天涯海角都可以搵到真愛，今次都會發掘多啲感人嘅愛情故事，今次都有好多令人觸景Touch，唔係觸景傷情。（你嘅真命天子出現咗未？）期待中。」
在旁梁祖堯即說：「個女人識整甜品嘅話，真命天子真係嚟㗎。」
----------------------------
東網巨星開咗ig喇，大家快啲follow啦！