男仔頭性格　鄧麗欣自認控制欲強

鄧麗欣（Stephy）、周柏豪、何超蓮為彩妝品牌拍攝廣告，由鄰家女孩的Stephy，近年在演戲上有所突破成硬朗堅強形象，被問到誰是真實？她說：「我自己都唔係咁清楚，因為人生每個階段都有唔同的嘅變化。其實多年嚟我嘅角色，同我嘅生活都好貼近，大家看見我嘅工作、所演嘅角色、人生所作出嘅決擇，某程度上都係代表住成長中嘅我。」Stephy續稱自己不至於野心勃勃，但喜歡控制、管理自己，不論感情或事業，能夠控制等於擁有選擇權。

平日喜歡穿褲的她愛作中性打扮，既舒服又配合自己的個性，所以好滿意今次拍攝的造型。她說：「大家覺得我好斯文、女性化，但私底下我係好硬朗堅強，男仔頭一名。」除非工作和場合需要，否則Stephy喜歡化淡妝。」

做家務當運動減壓

被形容為住家男的柏豪，最喜歡在家裏吸塵，當運動又減壓，但他自認擁有大男人的特質：「我絕對有大男人嘅一面，通常出現喺需要做重要決定嘅時候，當大家都模稜兩可、做唔到決定，我就跳出嚟一錘定音。不過大部分時間我都係依靠其他人，好似太太、家人、同事。」對男神睇法，他說：「男神對我嚟講應該係擁有點食都唔肥嘅超能力，我心目中嘅男神係郭富城。佢不論對自己身型、健康、工作態度都有好高要求，絕對值得學習。」

自覺同女神扯不唔上關係

而被封為「新一代女神」的何超蓮，她說：「我諗我同女神扯不唔上關係，因為我本身係個男人，唔係男仔頭咁簡單，直頭似個男人，啲女性朋友仲會當我男朋友看待。」超蓮自認個性義字行頭，不拘小節，會保護女孩子，不能忍受女孩子被欺負。除了有真漢子的性格，她還有堅毅不屈，不到黃河心不死的精神，她說：「我係倔強嘅金牛座，一係唔開始，一開始就要做好。」今次拍攝的造型，她覺得好新鮮，平日甚少化妝打扮的她笑說：「因為唔識掌握化妝技巧，一唔小心就重手咗，變成蠟筆小新。」